分卷阅读2

　　「你今日放学有冇野做？」主席问我。

　　「练完就冇啦，做乜？」

　　「今日谂住拍埋条片呀」

　　「你谂好点拍啦？」

　　「早两日同仔谂好点拍啦，但要等天黑」

　　「天黑影啲乜？」

　　「我谂住用萤光棒砌个波出黎做，要入左黑先拍到」

　　「咁我练完再黎帮手啦，果阵先天黑」

　　越高越夜走，好像是恒久不变的道理，特别是搞学生会的事情，常常做到六七时才离开学校。

　　「主席，你望下呢条片o唔?」仔手持相机，把显示屏指向主席。

　　「唔??都可以嘅，就咁话啦，搞掂，收工」

　　「搞掂，执野闪得」在旁行行企企的我当然第一个开始收拾，肚子饿得作响。

　　「边个食饭？」

　　收拾完毕，加上校工的半推半送的影响下，我们一行人很快便步出了校门。

　　平日晚上的西环较为平静，我们沿着西边街往下走，来到主席最喜欢的那间茶餐厅。

　　这茶餐厅味道不算太好，甚至可以说是有点差。中三中四时我常常跟主席来吃午饭，除了快之外，我找不到它的优点。

　　「呀仔今日咁夜嘅？」站在门口的大叔对主席说。

　　「系呀放学之後拍野」

　　「好多野玩咁喎？」

　　「搞学生会呀宜家」

　　「哗咁叻嘅？多啲黎呀可以」

　　「已经日日黎咁济啦喎」

　　「啱架啦生意难做，今晚又食杂扒饭啦可？」

　　「系呀加多杯冻柠茶」